කදෝපැණි සිහින

Friday, September 2, 2016

ඔබ දුන්න ගින්දර
ප්‍රවේසම් කරගමි
සීතලට අවුලන්න
හිම වැටෙන්නට පටන්ගත්තම...

පිලිස්සෙන්නේ නුඹද
නැතිනම් ඒ මගේ හිතද?

නිවී ගිය පහනකි
පෝය දුර දැයි
කල්පනා කරන

කළු අත් බෑගයකි
බලි කුරුටු සිතුවම් ඇති
අම්මා යැයි ලොකුවටම ලියන ලද

විසික් උන ගිනි අඟුරකට
වෙනස් කල හැකිද වන්නම ?

තවරමි වත්සුණු
නුඹ කිව්ව විදිහට
එපා කිව් අංජන
දමමි කුණු කුඩෙට
ගිල්වමි නිල් දෙනෙත
කළුපාට උපැසියක
මේ ඉතින් මම
නුඹට ඕනෑ හැටියට

හඳුනන මකරුන් ය
බැල්මකින් ගිනි දල්වන
මම
ගිනි නිවනු නොහැකිව
ළතැවෙන